Lehen Taldea 03 urt. 2026

Alessio Lisci: "Jendea oso harro egon daiteke taldearen esfortzuarekin" 

Alessio Lisci Osasunako entrenatzaileak prentsaurrekoa eman du Athleticen aurkako berdinketaren ostean (1-1). "Irabazi nahi genuen, baina ezin denean, berdinketari balioa eman behar zaio, talde handi baten aurka jokatu dugulako. Oraindik ez dugu galdu, garrantzitsua baita, puntu bat gehiago", esan du teknikariak, eta gaineratu du "jendea oso harro egon daiteke taldearen ahaleginarekin".

Bigarren zatiari buruz, entrenatzaile italiarrak honakoa azaldu du: "Oso ondo egin dute, egia esan. Lehen zatiko patroi berarekin jarraitu nahi genuen: oldarkorrak izan nahi genuen, bultza egin nahi genuen, baina kosta egiten zitzaigun egitura bloke ertain-baxutik bloke altura aldatzea. Atzera zihoazenean ez ginen bultza eta lagun egiteko gai, lehen zatian oso ondo egin baitugu". "Taldea, hortik harago, ondo ari zen defendatzen, txukun, eta lastima da hegaleko sake honen gol hori. Baina beno, futbola den bezala onartu behar da", esan zuen.

Alessio Liscik Javi Galanek Osasunako jokalari gisa jokatu zuen lehen partida baloratu nahi izan zuen: "Oso ondo egon dela uste dut. Oso partida ona egin duela uste dut. Nabari da taldekideak ondo ezagutzen ez dituen egoeraren bat dagoela, normala dena. Baina oso pozik gaude erasoko zein defentsako partidarekin ".

Azken albisteak Guztia ikusi